【新增短片】
一地兩檢法律理據成疑，港府多次嘗試以《基本法》解釋為何落實一地兩檢方案，亦被外界批評引用不適用條文。港區全國人大代表譚惠珠指，人大決定本身已等同法律，要如何理解，就是按港澳辦主任張曉明的說明去理解，當中解釋了為何要有一地兩檢的安排，以及一地兩檢按甚麼基本法條文作為法理基礎。

被問到人大決定等同法律是否等同人治，譚強調「呢個唔係人治」，整個安排是由港府、內地政府及國務院經過多番討論才得出，「出嚟講可能係一個人，後面係一個整體嘅決定，所以唔係人治嘅問題。你認為法律終需要有個人出嚟解釋，咁唔係人治，譬如話我哋嘅法官作裁決，大家都話佢係法治，唔係人治，會話畀你聽理由嘛，你需要一個人向你解釋，但唔係人治。」

譚又在記者會上多次重申「人大常委嘅決定就等同法律」，對於坊間糾紛是否源於理解本地普通法及內地法律有異，她指「冇一樣嘢叫內地思維，佢哋所有法律程序全部係一環扣一環」，她不推測一地兩檢日後會否被人司法覆核。被問及今次人大決定效果是否等同釋法，她稱「我唔答呢個問題」，那麼港人又是否有權挑戰人大決定？她指終審法院已接受人大釋法在本地法律具約束力，但人大另外有權作出決定，決定等同法律，她的看法是「我哋對人大作出嘅決定，應該冇司法管轄權。」