當年今日

拉姑撐霆鋒拖手無罪

蘋果日報 2002/03/28 00:00


謝霆鋒前晚在會展表示他到泰國是與母親狄波拉往還神,昨日狄波拉接受電話訪問時說:「我唔記得邊日去呀,前幾日囉。」柏芝是否同行?拉姑則說:「我唔鍾意答你呢個問題,我哋成班人去,有我嘅朋友亦有佢嘅朋友。」

「咁大個女識處理」
至於霆鋒被目擊與柏芝拖手行街,拉姑說:「唔好咁敏感啦,係又點啫?個個都係咁㗎啦,一齊去玩啫。」問拉姑霆鋒與王菲是否仍是情侶,拉姑說:「慢慢睇囉,我唔方便答呢個問題,我唔答我個仔嘅男女問題。」問拉姑是否認識柏芝,她謂:「我個個都唔識,從來都唔見,我只係見我個仔。」
另一方面,柏芝母親昨日三時左右駕着寶馬座駕返回又一村寓所,只見車內掛着一束泰國拜四面佛的花束,不知是否柏芝在泰國帶回港保平安。柏芝母親回家後半小時又離開,問她會否擔心霆鋒一腳踏兩船?她說:「佢(柏芝)咁大個女識處理,你哋唔使等啦,佢唔喺香港呀,出咗埠呀。」
採訪:蔡如玉、娛樂突發組
攝影:娛樂突發組