梁振英昨日邀請民主黨到禮賓府共晉早餐,該黨五名議員出席。民主黨主席劉慧卿會後指,會上向梁振英提出,如果認為可以跟民主派合作,便應在籌劃政策時多諮詢他們,又批評梁振英上任對民主派並不友善。劉慧卿又要求梁振英盡快啟動政改諮詢,落實真普選,又指在會面期間批評施政報告各方面都未能回應市民訴求,表現「好失敗」。
據了解,有民主黨人會上問及劉夢熊爆料事件,但梁振英拒絕正面回應,只強調劉夢熊不是其競選辦成員,全程與劉劃清界線。民主黨要梁交代「敵我矛盾」論時,他就露出機械式笑容說:「冇咁嘅事。」至於泛民關心的政改諮詢時間表,梁振英如「機械人」般,重複之前所說「政府仲有時間」的答案。
民主黨單仲偕在會議尾段終忍無可忍,即場「明寸」梁振英,「表揚」他上任至今「對民主有貢獻」:「我話佢(梁振英)上任咁短時間,已經有咁多人上街,阿董做七年嘅嘢,佢可能兩年已經搞掂,又令港人對小圈子選舉嘅容忍度下降。」
而民主黨涂謹申昨日則杯葛出席,形容個人與梁振英「冇乜特別好講」,「如果佢(梁振英)想問施政報告意見,呢幾日立法會已講晒,其他一般聯誼,我又覺冇需要」。