由劉亞仁、金喜愛主演、翻拍日本電影嘅韓劇《密會》至今已經播到第５集，《密》劇係講由金喜愛飾演嘅一個40歲中年已婚女同細自己廿年嘅天才鋼琴家劉亞仁之間嘅忘年戀，兩人由第二集開始已經浸出暧昧情感，親密行為更一集比一集精彩，引起大家討論之餘，收視仲Keep住上升。

去到尋晚播出嘅第５集，劉亞仁本身諗住彈琴比金喜愛聽，之後更向金喜愛解釋自己同女朋友冇發生關係，希望對方唔好誤會。點知金喜愛就突然激咀劉亞仁，兩人激烈嘅一吻令收視即時飆升到4.8%，成為開播以來最高收視。