曾出演韓劇《主君的太陽》、《打架吧鬼神》嘅31歲女星韓寶凜，近日同玄彬及朴信惠合作出演tvN新劇《阿爾罕布拉宮的回憶》，韓寶凜喺新劇中會飾演玄彬嘅第二任妻子，韓寶凜喺劇中飾演充滿虛榮心嘅藝人，喺聚會上遇到剛離婚不久嘅玄彬，兩人一拍即合閃婚，點知婚後卻又產生好多衝突，令到玄彬因為自己接連嘅婚姻失敗而變得玩世不恭，之後去西班牙就遇到朴信惠。

而韓寶凜近日趁放假就飛咗去布吉旅行，去到陽光與海灘嘅地方，佢就來個大解放，穿上一件頭泳衣落泳池玩水，不過佢上圍太過豐滿，泳衣將佢身材表露無遺，給人逼爆感覺。

另外，韓寶凜曾經同FT Island成員李洪基拍拖，不過戀情僅維持三個月。

精選韓流，喺晒《娛果》
http://fb.com/appledailyent