退出娛樂圈近28年嘅景黛音近日「江湖再現」，因為迷上玩微博玩自拍而令近照曝光，雖然景黛音年屆51，又已結婚生女，但如食了防腐劑般貌似20來歲少女，名副其實的美魔女。

景黛音因為演出《歡樂今宵》而跟當年導演楊健恩撻着，之後二人結婚並育有一女，但夫婦多年來十分低調，鮮有跟娛圈中人聯絡。景黛音婚後退出娛圈專心做家庭主婦，未有再投身社會工作。景黛音是楊健恩第二段婚姻，而楊健恩90年代離開無綫後從事演唱會等製作，之前徐小鳳個唱，楊健恩便擔任監製。記者昨日致電楊健恩，對於老婆景黛音被網民激讚保養得宜，楊健恩說：「呢啲你搵佢，唔好搵我傾啦，佢還佢，我還我啦。」說罷便以正在揸車為由匆匆掛線。

景黛音的「出現」，勾起不少人對80年代青春玉女的回憶，如莊靜而、鄧麗盈和林穎嫺等，曾幾何時也曾令觀眾眼前一亮。