一個懷孕31週的孕婦與父母來診。

孕婦：我飲咗3日白蓮鬚清胎毒，就暈同埋作嘔，而家仲無胃口
把脈後，胎氣尚可，但明顯中氣比較弱。連服三天白蓮鬚，若分量偏多，孕婦又本身偏弱，易傷中氣。
我：飲第一日應該無事，第二日尾就開始唔舒服？
孕婦：係呀
我：懷孕前身體都比較弱？但懷孕後身體反而好咗少少？
孕婦：係呀
四診後，叮囑孕婦停所有湯水，開了兩服淡淡溫中藥。
離開時，病人母親在門外細細打量藥方，再衝回來。
孕婦母親：醫師懷孕八個月開乾薑燥咗啲，同埋分量咁少（高音）！
我連忙向被打斷診症的另一位病人道歉，再回應。
我：佢依刻用安全分量好啲！
孕婦母親欲打斷說話未果，即被其丈夫拉走，在門外仍能清楚聽到她說：我要了解清楚，問下都唔得咩？

星期一孕婦與其父親覆診，開三服淡藥，隔天服，叮嚀先避湯水，再稍講清胎毒方法。在嬰兒出生後才再見他們回來應診。

不是所有人可直接清胎毒

在這個無限OT的城市，迫於無奈過勞的孕婦，實在不少。體質差，胎雖穩，也宜先調，才再清。

以少量開始 亦不用多

大媽「醫學」，通常有些道理，可惜誇大錯誤太多，其中一樣令人側目，就是假設多就是好。所有東西都有適當量，超過了，很多時未見其利，先見其害。
若無暇去診所，清胎毒就應以安全方法為主。先以量少開始，例如第一天一兩口西瓜，第二天三、四口，第三天再多少許，然後停兩三天，觀察身體情況。良好的不用再加量，食少許停數天，安全有效。

不清楚體質、休息較少、懷孕前身體已弱的，宜中間多作停頓。

食甚麼可清胎毒

雖無標準答案，但也不能差太遠。「你XX就生呀？桑寄生蓮子茶、芝麻糊同埋核桃糊可以清胎毒！」

清胎毒食品可以做成甜品，但不是所有甜品也可以清胎毒。

桑寄生蓮子茶安胎偏溫，芝麻糊、核桃糊補腎通便偏溫，懷孕可食，但城市人多虛熱，這三樣食品與清胎毒關係不大。

一些簡單易得來味道又佳的，其實不少，如西瓜、椰青水、綠豆沙、涼粉‧‧當然食用方法和時間也不能錯。正常胎兒，胎穩，通常建議，31週後清胎毒。

撰文：註冊中醫師陳俊傑