【龍舟水鬥晒肉】36歲人妻沈卓盈Fit 到漏油 26歲余香凝慘被彈象腿
蘋果日報 2020/06/25 15:28
沈卓盈關智斌龍舟水余香凝
今日端午節，氣溫高達攝氏32度，人妻、女神、男藝人都紛紛出海游龍舟水應節，齊齊在網上貼水着相派福利。
36歲人妻沈卓盈雖然着一件頭黑色泳衣，但在雪白皮膚映襯下性感迷人，她留言：「端午節去沙灘游個龍舟水，聽講可以帶來好運，往年唔會去，今年就試吓啦！祝大家端午節快樂！」樂瞳大讚：「Fit到漏油」，翁嘉穗都亦讚So pretty，岑潔儀更寫道：「流鼻血」！
26歲余香凝則着兩件頭泳衣，嬌黃色比堅尼褲顯股惑，她留言祝大家：「端午節快樂！」談善言大讚：「好正」，好姊妹廖子妤讚長腿誘惑，余香凝回覆：「比較想看妳」不過，有網民卻留言批評：「象腿」，其他網民代抱不平安慰余香凝：「咁都叫象腿？唔使理這些無聊的 comment。」、「我覺得你條腿好正，赤腳女神。」、「健康嘅身形絕對係靚過火柴人」。
38歲大台索媽梁芷珮就晒平民價泳衣相，留言：「呢件泳衣最多人問，其實喺意大利嘅街邊買，唔使$100港幣，平時啲背心短裙仔，都係淘返嚟，或者係fast fashion，冇乜特別㗎咋，各位端午節快樂！去游水喇！」
至於關智斌（Kenny）、林珊珊女兒西瓜就分別出海玩wakesurf，着白褲衝浪的Kenny露胸肌和腹肌，蔡卓妍留言讚：「Fit返」，Kenny回覆：「上次遊船河張相唔該幫我delete咗佢。」暴露了自己上次出海時身形肥脹的缺點，阿Sa抵死留言：「你唔好對自己咁苛刻啦！」搞到網民紛紛起哄想睇相。
互聯網圖片
人妻沈卓盈身材弗爆。（互聯網圖片）
余香凝被網民取笑象腿。（互聯網圖片）
關智斌着白褲衝浪。（互聯網圖片）
蔡卓妍讚佢身形弗咗。（互聯網圖片）
林珊珊女兒西瓜。（互聯網圖片）
梁芷珮身上比堅尼唔使100蚊。（互聯網圖片）