當年今日
關於我們

【霸氣】Ig祝福尼馬惹球迷不滿 馬些路爆粗回應

蘋果日報 2017/02/07 11:20

皇家馬德里馬些路尼馬

2月5號係巴塞隆拿球星尼馬25歲生日,唔少巴西老友都有出席佢嘅生日會,而踢皇家馬德里嘅巴西隊友馬些路亦有喺個人Instagram祝尼馬生日快樂,點知咁樣都惹嚟大批皇馬球迷不滿,唔少人都留言狠批馬些路,認為佢唔應公開祝賀死敵巴塞嘅球員,仲話佢點解唔祝同一日32歲生日嘅皇馬隊友基斯坦奴朗拿度(C朗)生日快樂喎!不過馬些路對球迷嘅反應都好不滿,仲好霸氣咁爆粗同啲球迷講「你班白痴收聲啦!」
其實睇番馬些路Ig,佢一樣有po同c朗喺球場上嘅相同祝福對方,只係遲過祝福尼馬咁解啫,皇馬球迷唔知會唔會覺得鬧錯咗馬些路呢?!