據宿生上載至fb「龍華街宿生關注組」資料,當晚食物由翠華集團旗下「至尊到會」供應,前菜生果蝦沙律190蚊一公斤,牛尾亦係190蚊一公斤,甜品士多啤利奶凍一打160蚊,加埋山西出產紅酒、飲品、餐具同侍應招待,每人200蚊有找。有宿生話當晚食唔飽,想要多個麵包都話冇,大呻好唔抵。
查實龍華四座宿舍宿生,上、下學期各要畀1,000蚊參加高桌晚宴,B座本學年辦得嗰兩場,即平均每場一次500蚊,就算扣除件學袍,一餐都400幾蚊。同學話越食越覺得好貴,支紅酒仲難飲到極。
八方問過其他三座宿舍宿生,佢哋話高桌晚宴有扒食,有雞有魚又有牛。來自馬來西亞嘅A座何同學話:「我朋友話佢哋想轉過嚟A座食,因為B座食物好Cheap。」B座舍監係上屆政府特首辦主任、現醫學院院長梁卓偉,當晚座上嘉賓係前政務司司長林瑞麟,據知當晚有宿生向梁反映餐飯好「削」唔值。
港大發言人回應,膳食由導師負責,當晚到會公司派咗30幾名侍應服務,話全年實質有6次晚宴,所以話一餐500蚊講法唔正確。
mailto:
[email protected]