阿根廷防中、37歲嘅甘比亞素，完成今夏同奧林比亞高斯合約後，宣佈退休；身為國際米蘭三冠王功臣，甘比亞素表示未來專注教練工作。

甘比亞素上季完成奧林比亞高斯合約後，已經返咗阿根廷休息，周五就正式公佈退休消息。2002年已經幫皇家馬德里上陣，贏過西甲等錦標，最光輝算得上效力國際米蘭時代，協助球隊贏歐聯、意甲同意盃三冠王，近年水準下滑，離開國米後，到過李斯特城，之後再加盟希超球隊奧林比亞高斯。