傳斷背情遭朱茵詐型
陳法蓉豪晒酥胸證性向
朱茵(左)和陳法蓉深諳宣傳之道,二人低胸亮相,坐着已甚有睇頭。
朱茵和陳法蓉兩位「有料」之人,昨日到尖沙嘴出席美容公司開幕禮,二人在低胸裝的襯托下,身材呼之欲出,尤其近來捲入斷背疑雲的陳法蓉,狀態凌厲,實行送上驚喜。
兩女坐下接受訪問時,即引來記者瘋狂拍照,朱茵明知故問說:「點解我哋坐低,你哋係咁影相,不過我做足安全措施,唔怕。」陳法蓉就更加大方地說:「我不嬲都性感,有好嘢怕乜畀人睇。」在附近的吳君如聞言說:「就係知你兩個會嚟,我揀衫揀幾耐,我邊夠膽性感,相形見絀啦!」
最近陳法蓉與蔡少芬、王祖藍鬧出三角緋聞,朱茵跟陳法蓉笑說:「冇理由冇我份,我去咗邊,我好㷫,你兩個撇甩我,我哋三個都係好姊妹,加埋我同阿Paul(黃貫中)落去,再加夠一打人可以開party。」問陳法蓉有否受緋聞困擾?她說:「初時都有唔開心,後來發覺冇人會理我感受,咁我都唔理囉!」
此外,難得性感的曾華倩拍照時頻低頭望胸,擔心走光,她說:「我真係冇乜幾可,都驚走光,所以要挺直做人,我自己係唔適合豐滿型,所以我係唔會做僭建,太大負擔,上天對我已經好好,唔可以要求太多。」
採訪:魯萍
攝影:陳志嵐