聽日星期日係3月8號婦女節，有另一半嘅馬迷可能會比較緊張，如果馬仔唔生性，你想扭隻馬耳仔之前，你老婆可能已經扭甩咗你隻耳仔。

我估「三八」同呢一日可能都有啲特別關係，當然係斷估啦！

不過，如果你呢日無辦法發揮3條8同168之類嘅能力的話，你會好體會到「三八」嘅威力。祝君平安！

第三場四班1400米草地賽，「皇帝賽」作為一隻放頭馬，上場傻豬慢閘都追番個P番嚟，值得跟進。

之後輕鬆拍跳無走樣，記得專心起步，唔好令大家有衝動想再搣飛啦！

「綫路勇駒」終於都同電腦無仇，難得嘅好檔（1檔），可謂形勢大改善。

如果夠快就自己帶，唔夠快都仲有個包廂位，認真好跑。

「帶榮來」好忠心，就算天生被動，一再蝕慢步速都依然肯追肯湧。

14檔明顯又係一盤冷水，但都唔排除無太多勁敵嘅一組，佢keep得咁fit又會再殺埋嚟。

「追風驥足」同樣係有後勁又追得好嘅馬，質新細粒仔鬥完都無散，狀態保持，期待佢更進一步啦！

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》