戴住cap帽、一身casual look打扮嘅栢芝,早前帶住兩個仔Lucas同Quintus一齊去行街,兩個仔大晒chok爆表情同甫士,相中見到Quintus開始甩牙仔,而同行仲有栢芝細佬豪龍同兩個小妹妹。栢芝就喺Ig晒出一組合照,寫住:「今晚去吃自助餐。」有得玩有得食,節目咁豐富,難怪班小朋友笑得咁開心。而照片中,佢兩個仔同姪女嘅造型比較,應該係Lucas比較識搶鏡。
其實,栢芝真係好錫兩個仔,成日見到佢帶住囝囝四圍去玩,不過帶佢哋去玩之餘,都要記住要畀兩個囝囝好好讀書,咁樣大個咗先可以成材呀!
撰文:馮仁昭