阿姐怨家英唔錫老婆

蘋果日報 2010/02/24 00:00


八和會長汪明荃(阿姐)昨日出席於佐敦舉行的「八和新春團拜」,老公羅家英也有到場。阿姐日前與羅家英到日本旅行,卻被周刊指她女皇發作狂「恰」老公,阿姐說:「我去景點,都見到兩個人鬼祟影相,我都反影佢哋,應該跟未結婚同傳緋聞啲人嘛。」報道指阿姐勞役老公,她說:「唔係啩?佢都唔係好拎嘢,佢要學點錫老婆同照顧女士。」
你情我願
羅家英則說:「冇所謂,周瑜打黃蓋,一個願打,一個願捱,冇嘢寫先搞到佢形象好惡。」另外,米雪日前被尹志強親人稱為阿嫂,身為好友的羅家英接受內地訪問時,強調兩人未有結婚,但他也坦言此是尹佬的一生遺憾。
採訪、攝影:溫敏芝