幸福靚太黎姿婚後為富豪馬廷強生下三名女兒，一家五口今日齊齊出動到中環hightea，更出動三名家傭各湊一位千金，這幕溫馨天倫樂被讀者任小姐撞到正，並透過本報「爆相爆片」上載短片。與友人嘆茶的容祖兒特別跟黎姿走過枱，跪下逗玩黎姿的可愛孖女，母愛泛濫。

黎姿同老公馬廷強不時被拍到在Sevva開餐，今午全家又出動。讀者任小姐報料謂，佢先喺下午三點幾見到祖兒同女性友人去嘆茶，大約半小時後，就見到黎姿偕傭人湊住孖女到來。眼利嘅黎姿步入時先跟祖兒打招呼，其後黎姿同孖女走到另一張枱，同一對外籍男女友人打招呼，兩姊妹黐着外籍友人傾偈，似乎好熟絡。大約半小時後，撐着枴杖的馬廷強獨自前來，緊接另一名工人也抱着幼女Pegella出現。

末幾黎姿就獨自走到祖兒嗰邊閒聊，祖兒仲跟黎姿過枱打招呼。祖兒逐人與馬廷強和外籍朋友握手寒暄，又半踎半跪撩孖女玩，孖女都冇醜豬，之後祖兒陪小朋友玩咗輪先至返回座位。