【新增影片】
對於新盤撻定的出現，資深地產分析員張一鳴表示：「而家好多人買樓係咩心態呢?等於炒輪，擺好少錢，博佢幾年之後升值，以小博大。如果樓價唔升，跟住有悲觀情緒，咪撻定囉！好多人諗住收樓時，賺錢架啦，到時唔賺錢，咪走人囉！但經歷97、03，呢班人走唔甩，地產商實告到佢甩褲。」另外，一班買家盲鐘鐘，唔知邊到需要負責，抱住到時先算心態，「你話佢烏sir sir，同時佢都貪！」

對於消委會曾建議叔設立冷靜期，他覺得有用，「而家啲人去銷售處，俾十幾人圍住，基本上無辦法可以甩身，無辦法可以做到一個合理的判斷。可能俾一個冷靜期，對某啲人，係有幫助。老實講，你去到被十幾個經紀圍住，係咁講，簽啦…簽啦…簽啦…，真是有啲人會簽咗落去。」相對地，對發展商來講，當然不利，佢要靠經紀幫佢製造氣氛，問題在，人哋都買咗單位，而家被走甩，對地產商梗係唔好啦！

掌握財經生活資訊，即Like「蘋果ATM」fb專頁啦！
http://fb.com/appledailyatm