日本組合AKB48嘅23歲人氣成員渡邊麻友，昨晚在秋葉原AKB劇場上舉行畢業公演，為佢嘅11年偶像生涯劃上句號。渡邊麻友獲指原莉乃、柏木由紀、山本彩等主將陪同下作AKB生涯最後一騷，雖然麻友仍會以AKB身份出席《日本唱片大賞》同埋《紅白歌唱大賽》，但噚晚呢個始終係畢業騷，麻友在台上顯得百感交集，尤其最後帶領隊友大合唱《櫻花花瓣》時，麻友終於不禁流出大大粒眼淚，仲同柏木勾住手指尾向觀眾鞠躬謝幕，場面都幾感人o架！

完騷後，麻友照例要到劇場露台跟街上守候嘅fans道別，而佢亦有接受傳媒訪問，提到離隊可以自由談戀愛，麻友多年來一直守住零緋聞嘅貞節牌坊，佢講到拍拖就話：「雖然好想，我...沒有問題吧？」麻友喺2009至今多屆「AKB人氣總選」都能夠打入頭五甲，亦係元祖「神7」中最後離隊一員，令AKB朝代正式改頭換面。

更多娛聞，喺晒《娛果》
http://fb.com/appledailyent