動私影新春別注！

21歲的馬俊怡喜歡花，特別是玫瑰，就連自己英文名也改了做Rose，所以就帶她到花墟拍攝，Rose見到花，真的會開心得叫：「花呀！」一身白色旗袍裙的好又說道：「第一次見啲人會覺得我好斯文，之後就會知我係癲0架！」Rose談吐舉止都很爽朗，她自認是男仔頭，又說：「我金牛座，好硬頸。」但她絕不是有架子、難合作的女生，她說：「有時拍攝前化妝，我腦裡面已經picture咗一個image，我就好想好想化到我想要嗰個妝，令到化妝師做多咗嘢，哈哈！」

Rose覺得做Model就是要和人相處溝通，但和服務行業不同，她說：「有人問點解唔去做客戶經理嗰啲，唔同架，我係show緊我talent，我嘅talent係微笑，我又鍾意同人合照，人哋同我影完相之後會開心嘅，呢樣就係我嘅成功感。」