究竟蕭定一有幾愛電影？「就是開心和不開心時都會看電影。」他更表示，梁振英當選特首當日，他心情極度低落，於是入場觀看近來熱爆的《春嬌與志明》，充當麻醉劑。
蕭定一比喻電影作「戰友」、「朋友」，「由細到大，電影已係我嘅生活習慣，本身鍾意睇電影，加上父親嘅身教。」
蕭定一變了一個超級電影迷，當然，電影對他咁重要，是「做人已經好痛苦，電影可以充當麻醉劑，可以令人短暫歡樂，幫人釋放，開心、唔開心都去睇戲。」「香港、中國人需要好嘅娛樂去釋放（自己）。」
現時蕭定一再進一步，將電影的層次，由個人提升到更高的級別。

睇好《一路向西》票房

擅長搞噱頭的蕭定一，去年拍了《3D肉蒲團》，上月就宣佈購入網絡當紅作家向西村上春樹著作《一路向西》的版權，預期6月開拍，趕及十一黃金周檔期上畫，勢要將小說拍成港版《美國處男》。
他更形容，「《一路向西》會係今年最有機會挑戰《春嬌與志明》香港票房嘅一部港產片。」至於會否聘請向西村上春樹加入中國3D，蕭定一搖頭說，「家嘅向西係最奔放，見咗光就唔係嗰回事。」
然而，他口中形容的向西，只一名普通不過的打工仔。