【本報訊】「按計劃」成立十年，市佔率僅得個位數，按計劃執行董事葉敬誠形容是「結構性問題」，香港主要按揭中介對手大多搭通業務上下游，明顯佔優，公司冀以更專業服務，望靠口碑突破重圍。

葉敬誠接受訪問時坦言，市場其他主要對手都以地產代理做背景，明顯佔優，「買家信得過代理，搵佢買幾百萬、幾千萬元嘅單位，順理成章，就會用埋同樣唔收費嘅按揭轉介服務，好自然會簽嗰張form（委托表格）」。

今時今日，按揭轉介業務利潤微薄，葉敬誠直言「無乜空間打廣告戰」，對手掌握客源，葉敬誠唯有另找切入點，透過母企宏亞按證的客戶轉介，以及舉行按揭講座，開拓新客源，希望做好口碑，「我哋唔係左手交右手，亦唔係多頭式派發式轉介服務」，要求同事做得更認真，收齊表格，就要為客戶做好包括壓力測試等評估，「教佢、幫佢、推介佢到銀行，一條龍服務，直至客戶成功提取貸款」，藉以挽回公司在行業定位上輸蝕的地方。

母企宏亞按證2002年成立，專門從事資產證券化及資本市場融資，當年已涉足高成數按揭市場，其「140%負資產轉按計劃」更協助當年負資產業主轉按「鬆綁」。

記者︰黃珮琳

全球樓行 Dream House零距離
https://hk.feature.appledaily.com/overseasproperty