【新增回應】
韓國元老組合god成員嘅37歲成員金泰宇今年8月捲入官非，被減肥公司告佢冇盡代言人嘅責任，遭減肥公司索償代言費(相關新聞連結： https://bit.ly/2rBjn6R )。

而近日就輪到金泰宇妻子金愛麗(音譯)嘅父親被爆欠債，根據韓媒報道，喺青瓦台請願網頁有人發起請願文章，指金泰宇嘅岳父涉及欺詐行為，指控金泰宇嘅岳父喺26年前於首爾進行收購夜總會時，因爲唔夠錢，所以就拜託發帖者嘅父親借錢，當時發帖者父親做咗擔保人，但最終金泰宇岳父就冇還錢。

發帖者指要求金泰宇岳父道歉，又不滿金泰宇岳父一家生活得奢侈，但卻搞到佢哋屋企咁貧窮，又促請金泰宇夫婦聯繫。

隨後金泰宇所屬事務所表示，已確認有關發帖者嘅內容，指事發時，金泰宇跟金愛麗仲未結婚，而且據金泰宇方面所知，當年金泰宇嘅岳父跟對方已達成協議嚟解決事件。

金泰宇表示，岳父一直於韓國生活，而且冇逃走，對方可以隨時跟佢哋聯繫，金泰宇亦會盡力協助去解決事件。

精選韓流，喺晒《娛果》
http://fb.com/appledailyent