由韓國神劇《太陽的後裔》金牌編劇金恩淑編寫、李秉憲及金泰璃主演嘅tvN新劇《陽光先生》(Mr. Sunshine)聽日就播出第五集，雖然劇集開播以來就有唔少是非，又指故仔歪曲史實，搞到國民要情願，不過都無礙收視，劇集播出四集以來收視都集集升，第四集更升至10.567%收視，認真犀利。

港劇迷想追《陽光先生》就可透過Netflix睇劇，Netflix將與韓國同步，逢周六日晚10時30分播出。而今日Netflix就公開新預告，劇情講到李秉憲終於表明佢回朝鮮嘅目的同埋對祖國嘅看法，同時金敏貞仲發現自己對李秉憲有心動嘅感覺。另一方面，金泰璃嘅未婚夫卞耀漢就終於同未婚妻見面，又直言對金泰璃一見鍾情，四角關係一觸即發。

而預告片中，金泰璃仲舉槍指向李秉憲，不知所為何事，似乎兩人關係漸趨緊張。此時朝鮮上，日美軍隊首次短兵相接，身為美軍嘅李秉憲又會唔會出手救祖國呢？

更多韓流，喺晒《娛果》
http://fb.com/appledailyent