容祖兒（Joey）同何超蓮分別創辦嘅辦慈善機構「容祖兒慈善基金」同「Smile with Us HK」，聯手搞咗個福袋義賣活動，為「語橋社資」籌款，今日佢哋就現身銅鑼灣皇室堡進行義賣。

Joey同超蓮不約而同身穿粉紅裝，佢哋話係襯番今日三八婦女節喎。講到今次籌款活動，超蓮話用咗五位數字成本，希望可以籌得40萬。

唔止出錢，兩人仲出埋力。Joey話今次係好有誠意咁獻上第一次，因為佢親自做咗1,700支檸檬味潤唇膏，仲話好似煲蠟咁容易；而超蓮就同義工一齊做咗二千塊曲奇，佢仲話親自送咗福袋畀甘比，以感謝對方免費借出場地：「本來佢都想嚟，但係要睇住BB。已經收到佢嘅心意。」

提到Joey新年嘅旅程，佢就話去咗旅行成個月，去過英國、澳洲同成都等，不過都係半工作性質：「可以延續自己獨遊樂趣。」情人節都冇同男友過？冇慶祝情人節？大家即七嘴八舌追問係咪………Joey即刻話：「咩喎！哎呀！唔會講呢啲嘢啦！」

男友劉浩龍就嚟開騷，會唔會撐先？Joey就稱：「嗯……一定支持，梗係會支持。」係咪煲湯支持？「攞去用（潤唇膏），可以內服，潤喉呀！」

蝦蝦蝦…

精選娛聞，喺晒《娛果》
http://fb.com/appledailyent