香港大學醫學院成立120年,校方筵開百席,炮製歌舞昇平氣氛,不過一批畢業醫生感受不了這份喜悅,反而感到無奈,甚至是憤怒。私人執業醫生劉建安1970年在港大醫學院畢業,一直反對醫學院加上「李嘉誠」三個字;知道港大大搞紀念活動,他便氣上心頭,「佢哋越做越商業化,已經忘記咗作為一個醫生、一個教授應有嘅道德操守!」
離開30多年,劉建安猶記得在學期間院長麥花臣的教誨,「當年麥花臣講明唔准教授接生意搵外快,因為佢哋本身已經有薪酬福利,教學人員都專注教學研究工作,唔同𠵱家啲教授只係識講錢」。
他批評商人李嘉誠沽名釣譽,「捐獻應該不求回報,要求冠名係一種交易、買賣」。劉建安又批評現任校長徐立之,「香港大學醫學院係屬於全香港社會,係港人百年心血,用咗好多公帑至有今天嘅成就,佢(徐立之)𠵱家係出賣香港人資產。」