當年今日
關於我們

EDC鬧志玲八婆又刪po:
你聞起上嚟似一Pat屎

蘋果日報 2016/07/28 00:00


陳冠希其實唔止一次喺微博貼路人甲乙嘅圖,然後爆seed狂插,被插嘅對象多數係對陳生冇禮貌之類。

今晚9點左右,有個model女友秦舒培嘅陳冠希,突然喺微博貼林志玲嘅相,然後寫咗以下呢段文字:

「呢個八婆好醜樣,聞起嚟好像糞便。我警告你,當我嬲嗰陣,你唔會鍾意我。扮晒係女演員/超級模特兒嘅小姐。你其實只是娛樂圈嘅『交易騙子』,因為你舔了(陽具)。」

咁樣當眾侮辱人,網民花生有之,指摘有之,亦有唔少fans盲撐陳冠希。晚上十時左右,陳冠希已刪除辱罵林志玲嘅po,改出另一個:「我為什麼要罵她?她知道的,我早就警告她了。你們問一問她吧!謝謝你的合作!你可以說我錯,不過我覺得他(她?)比較錯吧!」

至晚上近十二時,陳冠希回覆《蘋果》稱:「Time will reveal all truths」

林志玲睇完第二篇,再透過助理回覆《台蘋》:「無奈莫名受傷害,我們要了解一下到底發生什麼事,沒頭沒尾的!」又稱:「完全不認識他,也不知道發生什麼事,這幾個禮拜每天都在工作,沒接洽也不認識。」

由於林志玲同陳冠希從未合作,故大家都奇怪點解會搞成咁。微博有傳林志玲同秦舒培閨密何穗一齊上綜藝節目,兩人不和,陳冠希代秦舒培嘅閨蜜何穗出頭。另一版本係林志玲喺朋友圈講咗秦舒培壞話。對此林志玲回覆《台蘋》時已然否認,並表示冇開微信朋友圈。有網民留言:「感覺是林志玲搶了秦舒培代言,或者陳冠希自己的?追林志玲失敗和被盜號應該不可能,他不像會喜歡這種類型的女生。」