「啱啱先重建完，又新又乾淨，𠵱家唔夠兩個月又突然掘爛晒，簡直係浪費晒我哋納稅人啲錢！」居於油麻地多年的陳先生，經常與家人使用區內的公共康樂設施，而位於眾坊街與彌敦道交界的遊樂場，是他與家人常到的休憩地點。
開放兩月又再重建
陳先生憶述，此遊樂場以往的確頗為殘舊，其內設施亦因日久失修而顯得殘破，但由於油麻地屬舊區，故亦有許多老街坊到上址休憩，消磨時間。他說，今年五月開始，有關部門將遊樂場封閉進行維修，他與其他街坊均感興奮，以為重建後便可再度享用這個煥然一新的休憩處。
他說，遊樂場進行了約三個月維修工程，至九月重新開放供市民享用。「剛開番嗰陣，真係好新淨，好舒服，啲街坊個個讚好。但到咗十一月，佢哋又突然用啲帆布將個場圍住，封閉嚟再維修，明明好新嘅設施，放喺度個幾月又掘番爛晒，真係好浪費。」
另一街坊林小姐直斥康文署浪費公帑，「嗰度每一條柱、每一張椅，都係用緊我哋市民啲錢。真係唔明點解啲政府部門會咁樣做法，就算係要維修重建，都會經過周詳計劃，無理由唔夠兩個月就重修，除非當中有人疏忽，計算錯誤啦！」
康樂及文化事務署發言人表示，鴉打街臨時遊樂場的改善工程，於本年六月交由建築署進行，整個工程耗資約一百萬元，項目包括更換座椅、花槽和蔭棚、重鋪地面等。