電視劇監製梅小青退休作《法證先鋒IV》正播出，今日在商台接受訪問，她自言工作認真，也追求完美，每次看自己作品也會提自己改善，問她會否希望劇集能破以往自己收視記錄？她說：「應該幾難，之前《宮心計》50點，希望大結局去到40點，如果有呢個數都係近期紀錄，但而家最希望 香港 人大家健康。」

因武漢 疫情 爆發，以致劇集首播時活動要改變形式，至於大結局當日會否聚在一起仍未知，但她指之前宣傳活動，演員們知自己喜歡紫色，都穿上同色服裝以示支持。而這劇令她嘗過很多第一次，如需要重拍：「重拍百幾場，差不多等同20集劇，而且好多規限，但覺得呢個係個天畀我臨尾嘅考驗。」她原本計劃退休後坐郵輪旅行，現時因疫情打消計劃，會留在家看回自己作品：「有啲人畀劇本我攞意見，明明我收山啲人又想我出山，我唔會喇，應承咗囝囝要休息吓，自己都未諗到之後生活係點。」

《果GYM》隨身播 　健身壹App過！