當年今日
關於我們
【韓流】代表律師已寫文件李英愛堅拒演《大長今2》
蘋果日報 2014/05/10 06:00
當年憑《大長今》走紅,今日竟然咁堅拒演出,奇怪。
憑韓劇《大長今》走紅嘅女星李英愛上個月訪港時已經透露佢未必會演《大長今2》,但之後劇組人員就表示佢哋積極咁同愛姐傾緊。不過睇嚟就無咩進展啦,因為今日有相關人士透露,愛姐實際上係唔會演《大長今2》,而且佢上個月已經透過代表律師寫咗份文件,表示佢決定唔演出續集。
之前電視台已經講過《大長今2》嘅成敗關鍵取決於愛姐,今次愛姐堅決辭演,真係唔知套劇最後會唔會「胎死腹中」呢?