當年今日
關於我們

CutieHoney爆乳戰士唔嘢少
佐藤任由Gackt驗明正身

蘋果日報 2003/06/24 00:00


繼小池榮子同MEGUMI後,呢期突然跑出嘅YellowCab巨乳女星,一定非佐藤江梨子莫屬。佐藤近排同中性Rock友Gackt合演Takano友梨美容院嘅廣告,頻頻為日本雜誌影啲性感同高難度兼備嘅相,成為談論焦點。

集性與暴力
佐藤重剛剛獲得《新世紀福音戰士》導演庵野秀明睇中,主演由佢執導嘅新片。而呢套片係由三十年前日本已經大紅嘅性感兼暴力漫畫《CutieHoney》改編嘅同名真人版電影,睇怕套片可以將寫真迷同漫畫迷一網打盡。
相信好多日本漫畫迷都知道《CutieHoney》係由《鐵甲萬能俠》原創人永井豪繪畫嘅經典作品,呢個喺七十年代已經出現嘅女超人漫畫,好強調女主角個巨胸,佢變身時重會迫爛晒啲衫,當年喺少年漫畫雜誌刊載,亦曾拍過卡通,吸引到唔少發育中嘅少年。
三年前電影公司已經計劃開拍真人版,庵野秀明大讚佐藤身材靚同性格與女主角脗合,點名話只有佢先至可以做女主角。
查實早排根本春美同MEGUMI都扮過CutieHoney拍寫真,其他YellowCab女星重會演出《CutieHoney》嘅舞台劇。