當年今日
關於我們

【全職湊女搵學前班】囡囡似一面鏡 盧頌之:輕輕打佢會打番我

蘋果日報 2018/03/03 15:43

趙安嵐盧頌之趙勁皓

趙勁皓(King)同盧頌之(DaDa)今日抱住將女兒趙安嵐(踢踢),一齊喺觀塘出席電競活動,囡囡十分活躍,表情豐富,全程由媽咪抱住,King則在旁逗女為樂好開心。
兩公婆話囡囡晚上入睡後經常會玩遊戲,仲互笑對方係豬一般的隊友,DaDa話:「囡囡今個月15號就一歲生日,時間過得好快,o依家全職湊女,準備搵學前班,希望近爸爸健身中心附近,可以見多啲囡囡。」女兒踢踢表現反斗,會唔會好激氣?DaDa話:「少少啦,o依家有時我輕輕打佢,佢又會打番我,總之我點對佢,佢就點對我,o依家要講道理,望到佢就睇番我細個,佢似我細個時咁曳,望住佢會諗媽咪以前係點湊我。」狗年旺生bb,DaDa話:「都有諗追多個,但依家好多嘢都要睇定啲,金錢各樣都要有所準備,一個女已經花好多心血。」
阿king之前專登谷肥自己參加健身比賽, 現時體重第一次超過200磅,佢話會利用60日時間去瘦身,唔擔心失敗,加上要做個榜樣俾學生睇,冇理由自己肥嘟嘟 。
精選娛聞,喺晒《娛果》
http://fb.com/appledailyent
empty
趙勁皓(King)同盧頌之(DaDa)今日抱住將女兒趙安嵐,一齊喺觀塘出席電競活動。
empty
囡囡十分活躍,表情豐富,全程由媽咪抱住,King則在旁逗女為樂好開心。
empty
女兒踢踢表現反斗,會唔會好激氣?DaDa話:「少少啦。」