出咗名鍾意老作嘅英國《太陽報》又出事！曼城禮拜三晚主場2:1絕殺修咸頓。藍月領隊哥迪奧拿俾人影到賽後同客隊中場列特文（圖）激動對話。哥帥之後講明，係稱讚緊呢位球員。不過《太陽報》仍大字標題話哥迪奧拿疑似侮辱列特文，搞到列特文要喺Twitter撰文幫哥帥澄清，斥責《太陽報》搞事。但英足總竟然秋後算賬，要哥帥解釋返當時點解咁激動。