日本男星渡邊謙月前爆出有個圈外小三，現與太太南果步處於冷靜期，雖然渡邊謙話唔會離婚，但有指南果步為丈夫有婚外情已身心俱疲暴瘦近17磅，更對呢段婚姻死晒心，已經冇再戴婚戒。不過因為渡邊謙落實明年演出NHK大河劇《西鄉殿》，有消息指佢同NHK已達成協議，劇集播出期間都唔會離婚。

日本傳媒今日再報道，《西鄉殿》出年8月就會拍完，渡邊謙同南果步去到明年秋天就會正式離婚。報道又指渡邊謙大部份財產由南果步管理，佢哋離婚之後，共同擁有嘅財產連同物業，都會歸南果步所有。