成隊波喺B費嚟到之後就開始有進步,佢好勤力、好謙虛、願意冒驗,具備做X-factor嘅材料。你就需要咁樣嘅角色,喺一隊波入面需要有好似佢咁嘅人,而我哋隊已經有。我哋係支好後生嘅球隊,佢喺呢方面幫咗我哋好大忙。」另邊廂「連美斯」連格據報就炒咗「吸血經理人」拉奧拿,雙方合作唔夠一年就分手,曼聯青訓出身嘅連格,至今已為紅魔一隊上陣超過200場,雖然蘇B仲未決定佢嘅前途,但相信唔會白白將佢放走。而傷兵方面,左閘勞基梳爾因為腿筋受傷,需要休戰一個月,嚟緊將會錯過三場英超賽事,同埋三場歐聯分組賽,巴西左閘阿歷士迪尼斯將有望頂上。