韓國人氣劇集《鬼怪》本周六就迎來大結局，0依家一眾演員都日日趕拍劇集中，當中預計大結局要拍到周六先完成，可見演員都冇得唞，要犧牲休息時間，趕拍劇集。

而今日繼續有唔少網民捕獲《鬼怪》嘅拍攝情況，喺上周第13集中孔劉結尾借金高恩嘅手拔出劍，之後斬殺奸臣，結尾一幕就係孔劉灰飛煙滅，唔少粉絲睇完呢一集都勁傷心，而噚日劇組就公開第14集預告，當中金高恩就失咗憶，而眾人對孔劉嘅記憶都冇晒，時間就咁過咗九年。

根據連日來網民捕獲嘅拍攝外景情況，可以知道孔劉冇走到，仲有繼續以現代及古裝look拍攝。噚日有網民就拍得孔劉現身街頭，佢仲戴咗金高恩條紅色頸巾，唔知孔劉係唔係偷咗金高恩條頸巾嚟戴呢？之後又見着上高踭鞋嘅金高恩同孔劉約會。