喺呢個咁嘅時勢,周圍裁員又減薪,波友就算有賭本,都理應留番幾個錢傍吓身,無謂攞啲辛苦錢大注大注咁博。不如學吓賭聖同陳刀仔喺村屋向侯賽因報仇時講:「一於刀仔鋸大樹!」,咁先至醒目嘛。
言歸正傳,畢傑雖好少刻意扒冷門嘢,不過周日有幾場真係可能爆得。馬拉加今周作客貝廸斯,「客勝」固然抵撐,但個客W有成3.65倍,可以昅昅。皆因貝廸斯有前線最重心人物沙治奧加西亞停賽,左翼麥克干沙利斯又養傷;馬拉加就「夫添」,巴夏、艾利素同杜達呢個鐵三角嘅威力,我唔止一次讚過,賠率有睇頭怕咩博。博馬拉加大有機會由頭贏到尾,6.5倍「客/客」都要昅實。