新一屆立法會會期下周三開始喇！秘書處連日為新丁議員舉行迎新活動，噚日朝早安排分享會，請嚟前主席曾鈺成，向所有議員分享議會經驗，大批新當選嘅議員、尤其係建制派都好捧場，點知新丁未正式上場，已經各顯騎呢特色，民建聯周浩鼎吔蕉好出色，工聯會陸頌雄原來對身上物唔聞唔心息。

唔知係咪分享會安排喺9點半太早，喊鼎鼎似乎趕唔切食早餐，居然買埋早餐入會議室醫肚，其實會議廳一向禁食，根本唔可以開餐。喊鼎鼎嘅早餐竟然係香蕉，仲不顧儀態咁對條蕉飛擒大咬，含蕉潛力圖已經成為網民熱話，有網民讚佢技術純熟，乜意思八方就唔知，但犯禁就唔係咁尊重莊嚴嘅議會。
另一位新丁，勞工界陸頌雄亦令人睇到眼擎擎，佢聽緊曾鈺成分享心得之際，竟然不停用手擠下顎，一時好似掹鬚根，一時似唧暗瘡，一輪又搣又唧大工程之後，仲要將隻手放喺鼻前……到底做乜？現場記者你眼望我眼，只覺係議會奇「聞」，唔知佢係咪以為坐喺最後最側就冇人睇到佢呢？如果係開緊大會，唔會俾主席以「行為極度不檢」逐離會議廳啩。

李八方
mailto:[email protected]