「愛人結婚了，新娘不是我」這種情況如果發生在前度男友身上，你會出席他的婚宴嗎？網友意見紛紜，有些坦言一定不會出席畀面派對，有些則說要帶同丈夫子女一同出席「示威」，這是網友Mandy83的贈興理由，「如果佢係同咗第三者結婚，我更加會帶埋老公仔女一齊去，話佢聽，冇咗你我更加幸福，如果係和平分手，咪全家去戥佢開心吓囉！」

「想睇吓個新娘係點」

另一網友的分析最「毒」特，「如果佢係同咗第三者結婚，我一定去，仲要話畀佢親友知，佢床上功夫唔得㗎！」網友「禾正痴人」說會給10元人情，然後大吃前男友一餐；而自稱晴B媽則認為：「如果彼此的關係是再見亦是朋友，佢又派帖的話，Whynot?」
不過，網友Eva222認為：「前度男友如果係移情別戀，一定唔會去，禮都慳番；如果和平分手，又有共同朋友，咪一齊去飲。」網友Queenie有不同見解：「去了又如何？梗係有唔妥先分手㗎喇，咁去嚟做乜？費事大家眼寃。」方方媽媽則心大心細，「好想去睇吓個新娘係點，但又唔想見到佢靚過自己，好過自己。」