楊甦棣噚日出席由美國農業部以及多個美國農產品協會合辦嘅「亞洲廚藝競賽」簡介會時，落手落腳同大廚煮羊扒，親手醃、煎、炒、起碟，煮嘅時候不時露出鬼馬表情兼舞台式謝幕，娛樂性十足。「亞洲廚藝競賽」由16間酒店、餐廳、航空公司參加，下月12日會決一高下，香港站勝出者會再到台北決戰，終極冠軍可免費到美國接受培訓。
楊甦棣噚日好醒目不談政治，全程唔提狼振英，但就話多謝前政務司司長唐英年任內取消紅酒稅，讓好多人喺香港可以品嚐到各國美酒。至於個《歡樂年年》MV，佢話係按公關嘅劇本照做，連佢喺美國嘅千金都喺facebook開心share。