隔牆有耳：
講《聖經》古仔唔及講道叻
陳樞機做DJ甩轆 - 李八方
蘋果日報 2015/10/19 05:20
隔牆有耳聖經開咪陳日君甩轆樞機
陳日君樞機最近會喺港台講《聖經》古仔。設計圖片
天主教香港教區榮休主教陳日君樞機最近開咪，但竟然係講古仔而唔係講政治？皆因名為《陳樞機講聖經故事》嘅項目，入選咗港台社區參與廣播服務試驗計劃，首集由亞當夏娃、洪水滅世講到居港權及外傭最低工資；平日講道頭頭是道嘅樞機，做DJ卻大甩轆，13集節目最後要take two重錄。樞機希望未來加入烽煙環節畀聽眾發問。
節目嘅申請者要過公眾投票同評審員兩關，樞機今年3月尾同團隊一齊面試，嚇親7名評審，驚佢齋講政治；樞機道明來意話講倫理道德都得後再被挑機，對方話計劃係想畀平日唔多機會講嘢嘅人，樞機直認講嘢機會唔少，但有興趣都好緊要，最終喺132個建議書中脫穎而出。
以為講嘢對樞機嚟講係easy job？連佢自己都以為「實冇死」，點知錄完先發現要take 2，「我全部寫好晒㗎嘛，讀得太快，（錄咗）成5、6個鐘呀，嗰少少嘢原來都幾多㗎喎」。
節目嘅申請者要過公眾投票同評審員兩關，樞機今年3月尾同團隊一齊面試，嚇親7名評審，驚佢齋講政治；樞機道明來意話講倫理道德都得後再被挑機，對方話計劃係想畀平日唔多機會講嘢嘅人，樞機直認講嘢機會唔少，但有興趣都好緊要，最終喺132個建議書中脫穎而出。
以為講嘢對樞機嚟講係easy job？連佢自己都以為「實冇死」，點知錄完先發現要take 2，「我全部寫好晒㗎嘛，讀得太快，（錄咗）成5、6個鐘呀，嗰少少嘢原來都幾多㗎喎」。
教友邀請「借古論今」
節目本月12號起一連13個周一晚、9至10點喺港台數碼31台播出，每集一粒鐘，圍繞唔同《聖經》人物，首集係亞當、夏娃加諾厄，緊隨登場有亞巴朗、梅瑟等，最後4集先「講耶穌」。節目製作團隊包括監製、撰稿、堂區聖詠團同演員，樞機負責最初5分鐘引言同最後5分鐘反省，中間係《聖經》廣播劇；節目背後則有唔少只收車馬費嘅專業節目製作人「撐腰」，陳榮泰係其中一位，佢話節目係教徒友人嘅構思，再邀請樞機參與，「講番《聖經》，借古論今」。