「佢先得21歲，仲可以做工程師將來大把世界等住佢，我覺得累死咗佢，真係好自責。」理大生李欣鍵命喪翔東路，當日與他一起踩單車、目擊他發生意外的正是親如兄弟的舊同學陳俊霖，事發至今兩星期，俊霖傷痛依然，他指當日自己在前帶路，鍵仔在後尾隨，想不到意外突然發生，奪去前途光明，又愛錫家人的至友寶貴性命。

記者：林熊 攝影：麥超億

自中一開始與鍵仔同班，亦住東涌的陳俊霖指兩人因性情相近成為好朋友，六載中學同窗，畢業後分道揚鏕，鍵仔入理工大學，他入樹仁大學，至今中學畢業近3年仍是經常聯絡。「因為平時在東涌冇乜娛樂，戲院又冇，乜嘢設施都冇，所以希望同佢一齊踩單車去迪欣湖睇日落，估唔到會出呢次意外」。

共享單車在東涌盛行，當日兩人就是租用共享單車後發生意外，成為全港首宗共享單車意外。「我想踩共享單車嘅原因，就係因為單程要三個鐘，一來一回就會覺得好辛苦；當時諗住共享單車由逸東邨踩到嗰邊，放下單車就直接坐地鐵返屋企，只踩一程就方便啲，所以選擇共享單車。」完美的計劃，想不到半途出了意外，「當時我喺度踩單車，聽到後面有的士砵砵聲，我只係望一望，睇到的士好高速咁樣，直接從佢後邊撞過去，我同學仔就撞到呢個位置，因為頭落地，然後就昏迷」。

他憶述意外一刻，「我好後悔，冇諗過呢件事會發生，因為整個過程，睇住目擊件事發生，送去醫院睇住做第一次手術，最後去深切治療部，到我睇住佢走果一刻，我都一直自責。」

他指故友熱愛數學又顧家，在他眼中大好前途，「佢先21歲，仲可以做工程師，將來大把世界等佢住去，所以我覺得累死咗佢，真係好自責。」為了彌補自己的過失，減少良心的責備，陳俊霖與一班好友正盡力協助李的家人辦理後事。

講到好朋友的優點，陳俊霖說：「佢份人好開朗樂於助人，我自己好鐘意去旅行，有一次去旅行嗰陣時妹妹要考試，為咗幫我，我就問一句你可唔可以幫我教細妹，結果佢諗都唔諗，第二日就嚟我屋企做補習老師，足足教咗6、7個鐘頭，其實我好感激佢，因為一分一毫都冇收我。所以佢係一個好真心的朋友，好多嘢都唔會托手踭。」

你敢爆，我敢獎！ 即Call《蘋果》24小時爆相爆片熱線：63836568