武漢肺炎影響下,旺角站出口明顯少咗好多人,但無減Jeremy同德寶sell飯糰嘅熱情。佢哋除咗摩打口咁不停向途經巿民講「今日食咗飯糰未啊?」、「買個飯糰試吓吖!」,更喺街上舉牌呼籲巿民幫襯,工黨前代主席趙仕信都有到場支持。
短短一粒鐘,兩人已賣出近50個飯糰,當中除咗有Jeremy嘅女fans特登由筲箕灣過海嚟買飯糰,再同Jeremy嚟個selfie留念,亦有一家三口嘅巿民一口氣買成十幾個飯糰,令店舖要極速補貨。余德寶話呀,有街坊話因為見到佢俾左報同民建聯狙擊而特登嚟入貨,似乎黃色經濟圈至今生生不息,左報同民建聯嘅抹黑都「居功」不少。