剛周三(27日)雷莫雷拉趕及在2017年最後一次賽事停賽期滿復出，並憑「糖黐豆」及「勇冠王」起孖，但在不少馬迷眼中，雷神是神級騎師，一日贏兩場亦覺嫌少。

截至上次賽事，莫雷拉今季勝出率為百分之二十，較上季平均兩成四暫時跌了Watt，亦即以日馬跑10場計，目前預計雷神贏兩場是合理期望，而夜馬八場要搏他贏2Win或以上，其實是向難度挑戰。況且，今季莫雷拉谷草勝出率僅為百分之十五，較上季平均兩成為低。

不過，就算雷神今季贏馬比率下降，但仍不時在賽事中展現「神」的一面，剛周三先拔頭籌的「糖黐豆」，近三季五捷，雷神包辦其中四場，兼贏得特別漂亮，而「勇冠王」其他騎師往往會撻車太遲，但兩次在莫雷拉胯下贏谷草一哩，直路初已能入五波輕取對手，唔到你唔服。

今戰(1月1日)第九場三班田草1800米，「綫路勇駒」最近配潘頓及史卓豐等都得個近字，今次告東尼找到雷神操刀，具備破釜沉舟決心，「綫路勇駒」上仗於不利內疊前置的賽事，跟前下只輸個多馬位，今勻信雷神可再騎高多少，不妨再俾機會。

==============================================================
【minigame】2017瘋暈人物 返工打機唔使擇日
http://bit.ly/2CeWQkP