拜仁慕尼黑已經落實衞冕德甲，周六聯賽煞科戰主場對弗賴堡，可以話係捧盃派對；拜仁球衣贊助商三間，就預備咗下季嘅全新主場波衫率先同球迷見面。拜仁主場波衫用開紅色，新衫基本冇乜大變，不過設計靈感來自1974年經典款式，白色直線就會比較粗，紅白較今季分明。

除咗捧盃派對，落實退休嘅後衞拿姆同中場沙比阿朗素，就會參與最後一場聯賽；拜仁亦都準備好替補人選，據德國傳聞報導，拜仁想搵中超冠軍廣州恒大嘅巴西中場荷西保連奴，頂替沙比個位，以28歲嘅保連奴，當然夠級數踢德甲，不過中超搵咁多年大錢，拜仁又吸唔吸引到佢回流歐洲呀。