劉德華前晚在廣東道與五萬名市民迎接聖誕節，由於天星碼頭亦有大型電視直播現場盛況，故此前晚共有近十萬市民與華仔一同倒數。華仔邀請老友黃日華合唱分享喜悅，他更揚言有做皇帝的感覺。

劉德華前晚在尖沙嘴廣東道出席「劉德華熊遍全球廣東道聖誕streetparty」，與五萬人一同倒數迎接聖誕節，警方派出三百名警員維持秩序，大會則有一百六十名保安在場戒備，而在天星碼頭亦有大型電視直播倒數盛況，估計前晚合共有近十萬人與華仔一同迎接聖誕，氣氛熱鬧。
前晚華仔從廣東道半空的一個禮物盒走出來，他說：「我好似實現咗夢想咁，細個時好想屋企有棵聖誕樹，聽到呢首歌就覺得有機會。」然後華仔唱出麥兜的《噢！聖誕樹》，他看見整條街人頭湧湧，市民不停歡呼，即開心說：「我𠵱家好享受，好似皇帝咁呀！」

上高台買重保險
華仔邀請好友黃日華上台，黃日華突然說：「見唔見到老婆呀？」嚇得華仔連忙說：「我老婆？我冇老婆喎，你就有老婆，我都要喺度搵番個女朋友先。」原來梁潔華也在人群中。兩個華仔合唱《暗裏着迷》，獲全場掌聲，華仔更謂要簽黃日華做歌星。
華仔其後獻唱《十七歲》，他眼泛淚光地說：「我喺你哋眼神睇到，香港有劉德華，你哋覺得好驕傲。」臨近倒數時刻，華仔跑上升降台，升降台只有四條繩吊住，被大風吹得搖來搖去，華仔又沒繫安全帶，看來十分危險，直至倒數時，全場燃起煙花及紙炮，市民高舉飾物球，與華仔一同合唱黃霑舊作《世界真細小》，相當壯觀。
事後華仔說：「我企喺三層高升降台上個心係咁跳，唔怪得公司話幫我買咗八位數字保險，我重話誇張，企上去先覺得少得滯。」此外，華仔日前將歌迷們捐出的熊公仔送到有需要的小朋友手上，又與運動員蘇樺偉把禮物帶到甘迺迪中心，與一班殘障兒童預祝聖誕。