兩位城中富豪，首富李嘉誠今年股東會後避見記者，恒基地產（012）主席李兆基（四叔）就做好準備，親手寫好幾頁紙筆記應付傳媒提問，大談捐地益人。
四叔仲打趣話，如果香港最有錢嘅十幾個人，每人肯拎啲錢出嚟，香港冇晒貧富懸殊問題咁話。
縱使坊間一直猜測，四叔今年初忽然提議捐出農地畀政府興建廉價房屋，有何居心，四叔一於少理，噚日喺股東會後見傳媒，有備而來，將捐地講到同佢捐錢畀大學差唔多，都係億億聲咁捐，直言「人哋講乜唔理佢」，總之「我哋冇要求」。

笑言「一個人點頂得順」

85歲嘅四叔又突然有感而發：「一個人嘅錢，唔帶得走」繼而打趣話，如果香港最有錢嘅十幾個人，肯拎啲錢出嚟，香港就冇晒貧富懸殊問題，「淨係得我一個人點頂得順？」
四叔呢條數的確係計得幾理想，若然十個有錢佬，每人拎十億、八億出嚟扶貧，加埋都有百億，可惜唔係個個有錢佬都可以咁疏爽，唔計較，為捐而捐。而且，好多人都話，越有錢嘅人，越孤寒。在商言商，四叔都唔會肯平價賣樓，做蝕本生意啦。
即使四叔真係有心做大慈善家，喺家陣嘅社會氣氛下，大家應該會繼續猜度佢老人家背後有乜動機。
事實上，四叔仲係一位相當精靈嘅老人家喎，噚日一問到中央應否換特首，佢即刻拋出一句：「對政府遲鈍、冇感覺」，咁就耍咗一手厲害嘅太極了。

李華華
mailto:[email protected]

Hit一o下，動全新
即刻去Google Play Store, 下載【蘋果動新聞】新版Android App:
http://bit.ly/appledailyupdate

自力更新方法：
1)到 Play Store
2)搜尋「Apple Daily」
3)登入蘋果動新聞App
4)按更新，即可動全新

iPhone新版App，將於7月登陸