林芊妤（Coffee）今日去到商台擔任李居明師傅節目嘉賓，獲師傅贈言明年紅鸞星動，Coffee表示都想結婚，佢話：「結婚係想生小朋友，我好有信心係好媽咪，師傅話生女好啲，仲教我咩時辰行房會生女。」問到是否立即跟男友試試？Coffee笑說：「要結婚先，唔可以偷步，師傅話我19年唔生，就要等到22年。」

師傅指Coffee太堅持另一半要愛佢一生一世，咁會令佢自困，化解方法係生女、養貓、所住樓層及電話號碼避開2字。事業方面，Coffee剛剛考了保險牌，但師傅指客人只是貪圖她的美色才買，不如專心瑜伽事業，另外可以嘗試飲食方面創業，佢話：「2018年我會出寫真集同瑜伽書教人減肥，本身我想開工作室，聽完師傅講，不如開咖啡室，再喺裏面安排地方教瑜伽，但大前題要有錢。」

更多娛聞，喺晒《娛果》
http://fb.com/appledailyent