歐國盃｜修夫基終於捨棄馬甲背心 改着馬球裇衫劣評如潮
蘋果日報 2021/06/15 15:25
歐國盃英格蘭修夫基
2018年英格蘭領隊修夫基帶領球隊出戰世界盃嘅時候，佢喺場邊着住嘅嗰件馬甲背心西裝褸就成為咗英國潮流，當時呢件價值65鎊（約670港元）嘅背心一度喺英國賣斷市，更連帶令到贊助商馬莎的銷售額增加3成，可見官仔骨骨嘅修夫基嘅衣着品味都幾受歡迎。至於修夫基之前就表明今次歐國盃唔會再着呢件馬甲背心，反而改着一件深藍色嘅馬球裇衫領軍，呢個打扮喺之前友誼賽鬥羅馬尼亞嘅時候就已經見過，只不過外國球迷似乎唔太受落喇！
2018年世界盃修夫基所着嘅馬甲背心，喺英國引起咗熱潮。
修夫基作為倫敦時裝公司品牌Percival嘅大使，今次就捨棄咗馬甲背心，改着價值109鎊（約1,200港元）嘅深藍色馬球裇衫，而且喺外邊再加多件灰色嘅西裝褸。有英國嘅時尚造型師就大讚修夫基呢一身造型，仲話馬球裇衫加上傳統西裝嘅配搭，簡直就係演繹咗何為最新時尚休閒裝束，仲話覺得今次呢件馬球裇衫一定又會成為夏季嘅潮流。
只不過外國嘅球迷就有唔同嘅睇法，佢哋對於修夫基嘅呢一身裝束反而就踩多過讚，仲話佢着住嗰件深藍色馬球裇衫極似睡衣，叫佢不如着返馬甲背心仲好：「唔鍾意修夫基呢一身西裝同馬球裇衫嘅組合，佢應該着返馬甲背心。」、「到底係邊個幫修夫基襯衫？佢平價西裝入邊嗰件到底係馬球裇衫、普通恤衫定係睡衣？」
修夫基呢一身新裝扮似乎冇太多球迷識欣賞。
-----------------------------
想財富增值 就真係要眉精眼企
想財富增值就梗係要樣樣計到盡，即使係借貸時嘅回贈，都要攞盡最大着數！喺2021年4月1日至2021年6月30日期間首次提取貸款，可即場獲獎賞現金高達港幣$5,000▲！
利用轉數快，足不出戶就完成手續，仲可以實現貸款瞬間過數^，星期日都照批★！。
推廣期由2021年4月1日至2021年6月30日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
-----------------------------
《體蘋果》陪你睇波講波