肥人多扮演角色免被孤立

蘋果日報 2006/08/04 00:00


中大醫學院精神學系教授李誠指出,當一個體形肥胖的人,無法與朋輩鬥靚、鬥身材,就會轉為扮演第二個角色,以其他行為去補救身體缺陷。「例如扮大家姐去照顧其他人,或扮開心果去𠱁人開心啦。如果唔改變自己,即係將自己孤立起嚟,變成一個孤島。」
朋輩影響令暴力加劇
李誠教授表示,近年肥是不合潮流的象徵,肥人無論交朋結友或尋找工作,都較他人蝕底。家長面對過胖的孩子,要自小培養其多方面發展,發掘其潛能,令其在某一領域有出色表現,用以抵禦因體形造成的缺憾。
對於童黨群毆肥妹,李誠認為是朋輩相互影響下令暴力產生暴力。「一對一嘅暴力並唔可怕,但一班人同時對一個人使用暴力時,會形成一個火上加油的局面。」李誠解釋:「成班人個個都想喺朋輩面前攞威,邊個打得勁就威啲,邊個諗到新嘢折磨人就叻啲;呢個時候,已超越咗當初施暴嘅目的嘞。」
本報記者