【肉赤B女】許亦妮買沖奶機貨不對辦一肚氣 IG狂轟
蘋果日報 2020/03/03 18:44
許亦妮許芷熒
（IG圖片）
港姐出身、現年31歲的許芷熒（前名許亦妮，Whitney）上月2日為商人老公Alex誕下「馮寶寶」Kayli Jane，昨日馮寶寶滿月喇，父母當然好開心，Whitney表示在家中慶祝。
不過最近有件事令到Whitney和Alex好嬲，令到Whitney今日在自己的IG限時動態中作出控訴，她留言：「昨天因為BB滿月，所以真的不想影響心情……我諗我嘅嬲只有當過/當了爸爸媽媽的人才會明白！」
原來Whitney的憤怒，是跟買了一個沖奶機有關，她分別以文字及短片透露，由奶粉機沖出來的奶比較稀，變成奶水，所以「馮寶寶」多日來都食唔飽！作為媽媽的Whitney當然心痛，故此在IG鬧爆：「呢個product嚴重出錯，以至我BB多日嚟吸收唔足夠嘅營養。然後呢間公司嘅負責人畀我嘅態度同回覆令我覺得更加嬲！佢講到好似個product係咁㗎！好似講到冇乜嘢！」當她向賣家投訴後，反被指因為Whitney夫婦沒有洗乾淨部機，以致出奶粉的位置有阻塞，才會出現這個情況。
Whitney對於這位負責人的回覆感到很憤怒，怒斥這位負責人推卸責任。Whitney回覆傳媒時，她表示：「而家親自開奶，馮寶寶即刻重咗，終於明白落後地方嘅小朋友唔夠嘢食好慘，我即刻同老公去助養兩個兒童。」
《果GYM》隨身播 健身壹App過！
Whitney在IG限時動態連續出post鬧爆。（IG圖片）
Whitney近日頻頻貼自己湊女片。（IG圖片）
Alex對女兒也是愛有加。（IG圖片）
Whitney拍下沖奶機沖出來的奶，力證自己講事實。（IG圖片）
（IG圖片）
Whitney稱改用手沖奶後，B女體重有增加。（IG圖片）